أول شيَ أبدء معكم من البداية
انا عبدالعزيزوساكن بالرياض، ورحت مره إلي القصيم لعيال عمي وجلست أول يوم استنكرت حياتهم وطبيعتهم اليوميه " والروتين اليومي " كان نظام يومهم طول الوقت في الشات ، وانأ إنسان ما اعرف الشات ولا اعرف إي شي عن عالم ألنت ، كنت اجلس أتابع التلفزيون او اجلس وحدي ساكت ، وكنا بشهر رمضان............................................. .................................................. ........مع الوقت قالي واحدمن عيال عمي ادخل الشات وانبسط وضيع وقت سمعت كلامه وقلت بدخل أشوف الشات هذا الي يحكون عنه ومأخذ " كل وقتهم " دخلت أول يوم ودخلت في نك بنت بس مجرد اسولف واطلع نيتي صافيه ، مع الوقت تعرفت علي بنت كان نك نيم تبعها " سالي " واسولف معها كل يوم وعلي الحال ندخل سواء نطلع سواء ، جلسنا تقريبا،أسبوع علي بالها إني بنت ، مع الوقت قلت لها إني ولد ، انصدمت البنت ومشت الحال عادي ولا قالت إي شي ، وظلينا علي الحال ندخل سواء ونطلع سواء ، مدة شهر كامل ، بعدها رحت شإت ثاني الشات هذا " كلهم محترمين " وكان الشات قليل زواره حدود عشرين زائر موجودين وكان فيه كم شخص صراحه الله يستر عليهم نشبه ولاينعطون وجه ، مع الوقت مرت الأيام ، وجت بنت ؟؟؟ كان نكها "جود" لـ الشات هذا ، البنت هذي ، مرحه ولعابه وتحب تلفت انتباهـ الشباب في نفس الوقت وكانت تجي لي وتحتك فيني ، وانا مشي الوضع عادي اخر شي تبيني علي قولتهم " اشبكها " وبعدها جت بنت ثانيه تقرب لها وكان نكها " شووق " البنت هاذي محترمه وفي حالها ، واسلوبها مره روعه ، وكانت تقولي ابتعد عن البنت ولا تقرب من يمها علي بالها اني انا ابي البنت ولا اني احاول اني اشبكها ، اخر شي فهمتها كل شي وفهمت معي وكانت " سالي " معي وتفهم " شوق " عن حياتي قالت له انه ماله فيها ولا يبي قربها اساساً وفهمت القصه " شوق " وقالت لي حاول ما تعطيها وجه حتىا تطفش منك وتبتعد عنك ،موانها ماتبيها تتعرف بس لانها فضيحه تقول،كل شي عنها قلت لها اوكي ولا يهمك ، مع الوقت انا اعجبت في " شوق " وهي اعجبت بي مع الوقت صارت تدخل " شوق " عشاني وتجلس تنتظرني بس مجرد تسولف معي مرتاحه لي مره ونفس الوقت شوق كانت توها خاسره علاقه حب مع شخص كان يخونها كانت ما قصرة معه في اي شي وهو خانها ولا عرف قيمتها لانها بنت ما اظن في الجيل هذا فيه بنت مثلها .. وكانت تقولي قصة حبهم وانا معجب في نمط اسلوبها وطبعها مع حبيبها السابق ، وكنت اهدي من حالها ، ما ابيها تجرح مشاعرها في ذكراها الماضيه ، لان علاقتها الماضيه " مؤسفة " مره فوق ما تتصورون ، يعني اضرب لكم مثإل كان يسحب عليها ولا يدق الا لا احتاج شي مثال " فلوس " او ما يشابه ذالك ، يعني كان هي ما تدري انه ياخذ فلوس منها ويروح يهدي لـ غيرها ، بس ما نقول الا الله يسامحه بالي سواه في البنت لان الانسان اغلا ما عنده مشاعره ، واحساسه ، ما اظن فيه اغلا من الاشياء هاذي ، وفوق هذا،كان يقول لها ابيك وابي اتزوجك وهو كان يكذب ، يعني وصلت فيه يسوي كذا في البنت ، وهو اساساً مو من مواخيذها ، وكان يقول لها الكلام والبنت علي نياتها مسكينه ، مرت الايام وبعدها ملت منه وتركته والله الحمد ،
.. ومع الايام صارت تميل لي في بعض مشاعرها ، لان البنت لا صارت مكسوره مشاعرها ما تقدر تسيطر علي نفسها وهذا شي واضح ومعروف عند الناس ..
صرت اهدي من حالها ، واقول لها هذا النصيب مابي ابين لها حسرتها وخسارتها ..
صارت هي تميل لي في شي كبير من مشاعرها وانا اميل لها شي بسيط بس حاط بين عيوني اني ما اقدر اوصل لها لانها بعد الى شافته اكيد عافت الحب وطاريه ، ما اتوقع تفكر تعيد حياتها بالحب من جديد ، مع الايام صارت تدخل عشاني وتجلس تنتظرني بالساعات ، وكانت في اخر الايام هاذي تغار من البنت الي هي " سالي " تغار منها غيره فوق ما تتصورون ، بعد هاذي اللحظات عرفت انها معجبه بزياده فيني ، وانا كنت افكر فيها دائم يعني مثل البنت هاذي مارح احصل ، مع اني كنت اتمنى بنت مثلها يوم جتني اخسرها حرام والله وكنت اهتم فيها ، جاء عاد مرجعي الرياض وفي الرياض ما ادخل " انترنت" ولا اعرفه خير شر ، واخذت رقمها وقلت بينا رسايل ومرت الايام وصرت ارسل لها اني بدخل نت وادخل عشانها ونجلس نسولف في المسنجر ولا في الشات ، ومع الايام اقول لها انتي تميلين في شي من مشاعرك تجاهي ؟؟ وكانت تقول بس عزيز وغالي وانا كنت " متاكد " انها تحبني بس تخفي حبها وكنت اقول [ يمكن .. اخفائها لحبها تغير من تجربتها الاولى وتخليه بالخافي ] وخليتها علي راحتها ومرت علي الحال هذا اسبوعين وبعدها صارحتها قلت لها صراحه انا " معجب فيك مره " واحساسي ان هذا الاعجاب يبي يتحول الي {.. حب ..} وهي وقتها ما تكلمت وجلست ساكته تقريبا " 5 دقائق " بعدها ردت علي وقالت لي انت عزيز وغالي انا صراحه يئس وجهي قلت معقوله كل توقعاتي غلط بس بالاخير عرفت انها تحبني من تصرفاتها بس منحرجه ما تبي تقول ولا تبي تبين من مشاعرها ..
المهم بعدها بايام قالت لي ( احبك ) وبعدها صراحه ، فرحة فرحة فوق ما تتصورون ، لاني قربت من انسان كم تمنيته ، ومرت الايام علي الحال ارسل لها وهي ترسل لي وندخل سواء سوالف ومدري كيف مانمل من بعض وحنا نجلس 12 ساعه مع بعض، وكل شخص يهتم بالثاني وكل شخص يغار علي الثاني ، وهي البنت عصبيه وعنيده شوي فديتها هي وعنادها ، المهم كانت تسوي حالها ما تغار ولا شي وانا نفس الحال عنيد وعصبي في نفس الوقت وكنت اسولف كثير مع البنات ابيها تغار وهي تسولف مع العيال تبيني اغار وكل واحد مخبي الي في داخله ، بعدها صرنا نقدر بعض ونقدر مشاعر بعض ولا نجرح بعض في الكلام مع الآخرين ..
مشكلتنا الهواش كثير والعناد كل يوم نتهاوش وكل يوم نختلف ، وكانت مربط الهواش غيرتها من " سالي " لان سالي كانت تدخل كل يوم ونشوفها في الشات وكانت ما تحب تسولف الا معي انا بذات وكانت تقول لـ " شوق " اتركيه .. افضل لك وهي " سالي " مقصدها شي ثاني وكانت " شوق " تغار منها لانها تبيني انا .. واخر شي قالت لي قدر مشاعري حس فيني ولا تكلم " سالي " وحاول تبتعد عنها قلت لها اوكي ولا يهمك .. بعد فتره يوم صارنا علي الحال حدود خمس شهور ، كانت كل سوالفها عن حبيبها الاول لانها مجروحه منه وكانت تحبه اول مره وكانت طول وقتها تفكر فيه اول وانا كنت استنكر الشي هذا لانها دايم علي لسانها حبيها الاول مشيت الوضع عادي وماخذ فكره انها تحبه اول واكيد مارح تنساه في سهوله واصعب علي الانسان انك تبي تبين عليه انك تختلف عن الانسان الاخر وكنت ابي احاول ابين لها اني ماني مثله لا في اسلوبي ولا في طبعي ولا في وفائي تجاهه مرت الايام وصارت علي الحال ما تقول شي الا فيه اسم حبيبها الاول .. وكنت اقولها لا تقولينه علي لسانك قدامي لاني انا استنكر الشي هذا واتضايق منه ، قالت ابشر ولا يهمك ، مرت الايام وباقي تكرر الاسم حطيت في بالي انها " تبي تنساه فقط لا غير " مو انها جايه لي عشان حب .. ودخلت الفكره هاذي في راسي ولا صرت اهتم فيها ابد وكنت اسولف مع البنات واضحك ولا كنت اهتم في مشاعرها لان في بالي انها ما تحبني مجرد تبي تنسى شخص علي حساب مشاعري انا .. مع اني مالي أي دخل في حبها السابق .. مع الوقت اشوفها تغار من كل قلبها وباين علي كلامها كانت تدق وفي صوتها باين ضيقتها ، وعرفت انها تغليني ، ومع الوقت صرت اقدر مشاعرها وكانت كل يوم تهاوش لاني اسولف مع بنات كثير وانا ماخذ الوضع عادي سوالف كـ أي شخص يسولف مع البنات ، مع الوقت البنت هاذي صرت اعشقها لدرجه كنت اقراء الورد عليها كل يوم قبل تنام، وصرت اتاكد منها هي تغدت ولا لا واشرط عليها وش تتغداء وش تاكل ولا تطلع لـ أي محل الا تعلمني وين وش تبي تاخذ منه وتعلمني عن كل شي لدرجه اوقت لها نومها ولا تنام الا معي علي الخط لا سمعت صوت تنفسها انها نامت اقفل وعلي الحال ، استمرينا ، وكانت تحبني واحبها واخاف عليها وتخاف علي ، لدرجه ما اطلع من البيت دايم معها ليل نهار معها انام تنام معي اصحى تصحى معي وكانت البنت مره مره " جميله " فوق ما تصورته تجاهه . مع اني اول حاط ببالي انها شينه وسمراء المهم، مع الايام انا كنت كل سوالفي عن الحب وكذا وهي ماخذه فكره من حبيبها الاول " الزواج " والرجال الي ناوي علي الشي هذا ما يبينه وهذا شي معروف في الحياة والي كاذب يقوله بدون ما تطلبه البنت بس مجرد يكسب ثقه البنت ، وبعدها اقول لها الحين حب ما ظنتي توصل زواج وانا صراحه كنت افكر فيها كـ زوجه لانها بنت صراحه تستاهل تحط في أي حال وتكون قده ، وكانت تحرم نفسها من صديقاتها من اهلها وتجلس في غرفتها ولا تطلع ودائم معي طول الوقت جالسه معي يـ نسولف ولا نضحك ولا ندخل نتسلى أي شي مع بعض ، وجاء يوم من الايام وطلبت انها تشوفني علي الطبيعة قلت لها كيف ، قالت لي ابيك تجي في السوق الي بروح له وابيك تمر من عندي واشوفك قلت لها " ولا يهمك " المهم مسكت الخط طبعاً هي مو في الرياض في مدينه تبعد عن الرياض 800كيلو.. ومسكت الخط الساعه 11 قبل صلاة الظهر ولا وصلت عندها الا حول المغرب ، وكانت طول الوقت معي علي الخط وتقولي لا تسرع وانا كنت صراحه يعني لحالي واطفش في الخط وكنت اقول لها أي امشي 120 كيلو متر في الساعه وانا بالاساس صراحه امشي اكثر من كذا .. يوم وصلت في ديرتها ولا كنت اعرف شي فيها ابد وكانت معي علي الخط وتوصف لي المكان الي تبي تروح له ورحت له المهم قالت لي انا معي شنطه بني قلت لها في أي مكان اشوفك قالت تلاقيني عند المحل الفلاني قلت لها طيب واجلس ادور وهي تشوفني امشي في السياره وساكته منحرجه ما تبيني اعرفها ومسكت عناد بيننا ، ابي اشوفها بس من بعيد وهي رافضه وبالاخير تهاوشنا وقفلت في وجهها وبعدها فكرة ( جاي من بعيد عشانها واخر شي اخرب وناستها واحوس كل فرحتها ) وادق عليها واعتذر ، ومشا الوضع عادي وشفتها ووقفت السياره مسرع عند المحل الي كانت فيه يوم وقفت عجزت تتحرك علي بالها اني بجي امر من جنبها وهي منحرجه مره وانزل من السياره واشوفها واحد عيني في عينها وهي نزلت راسها من الاحراج ، وبعدها شفت الوضع كذا ركبت السياره ورجعت الرياض وطول الخط هي معي علي الجوال ، وكانت تسولف لي عن شكلي تقول شكلك مره روعه وانت منحرج لاني انسان حيوي مره ، وقالت لي ابيك تجي مره ثانيه وابيك تقرب مني لاني ما شفتك زين لاني منزله راسي قلت ولا يهمك انتي تامرين امر واجيها من بعدها في اسبوع ومعها امها وكانت جالسه جنب امها ومريت من جنبها ونزلت راسها ما قدرت ترفع راسها وانا مار من جنبها ودخلت محل عشان ما ابين لـ " الناس " الي في السوق ان فيه شي ، ودقيت عليها وقلت لها اوكي ادخلي المحل الفلاني وانا بدخل عندك ودخلت وكانت واقفه عند مكان كله تحف ومكتوب علي التحف " الف مبروك " انا شفت التحف هي ما شافتها لانها منحرجه واجي اقرب منها ابي امسك يدها اشوف يدها ترتبك ولا جيتها ، وبعدها جلست ادور لانها ما شافتني زين ننتظر فرصه ثانيه عشان انزل وتشوفني ، مع انها شايفه خشتي في صور كثيره ، بس تبي تشوفه علي الطبيعة ، واظن من حقها حبيبها وهي حره فيه .. وانزل عند محل فرش واسوي نفسي بشتري منه وتدخل فيه وتشوفني زين وانا ما كنت ادري انها دخلت وبعدها دقت علي قالت لي شفتك انا الي جيت جنبك من يسار وقلت لها ليه ما قلتي لي عشان اشوفك قالت لو قلت لك بستحي قلت لها اهم شفتيني خلاص ارجع الرياض قالت ارجع وبعدها رجعت الرياض وهي معي على الخط وكانت تسولف عن الي صار اليوم وعن الي صار في داخلها ، ورجعناً علي الحال كل يوم شات وكل شخص يغار علي الثاني وكل يوم هواش بين بعض وهواش ماينتهي ابد.. ولا طفشنا من كثر الهوش لانه وسيله تخلينا نشتاق لبعض لان طول اليوم مع بعض والهواش هو سبب الشوق والاحتفاظ ببعض
واذا تراضينا يـ انا اراضيها يـ هي كل شخص يهتم في الثاني فوق ما تتصورون لدرجه قفل خاصك لا ترد علي هاذي لا تولكم لـ هاذي
مع الوقت صرت انا انسان جاد في حياتي مع اني اول مستسهل فيها ، وصرت ادرس واشد حيلي باليوم ثلاث دراسات من الكليه لـ المعهد لـ المعهد الثاني كله ابي انجح في حياتي واكون نفسي واتزوج البنت هاذي الي ملكتني من اعماق قلبي .. وصارت معي وتشجعني علي كل شي اسويه ، وكانت تصحيني لـ الكليه وتتابع معي جدولي ودراستي وتوقت لي وقت لدراسه وكانت لا طلعت أي مكان تكون معي وتخاف علي اكثر من نفسها وانا نفس الشي ، كل شخص ما يبي يخسر الثاني والكل متعجب في الشات من علاقتي معها والكل مندهش من العلاقه الي كذا طول الوقت مع بعض ولا ملينا من بعض وكل شخص يحب الثاني بجنون ..
لدرجه .. مره دخلت بنت من صديقاتها لشات الي انا ادخل فيه وشفت الايبي حق الاتصال نفس اتصال " شوق " وانصدمت دخلت الشات ولا قالت لي ولا جالسه تسولف مع عيال في احتكاك .. زايد مره واخرشي ادقق في الاسلوب مو اسلوب " شوق " بس الشيطان حريص جت في بالي انها " شوق " وادق عليها واتهمها في الخيانه .. واقول لها خلاص الي بينا من الحين انتهى البنت انصدمت وجلست تشرح لي الموقف وتبكي ولا هي راضيه تدخل مخي الفكره .. بعدها سويت اشياء ما اقدر اقولها .. ولا اقدر الفظها لانه مستحيل أي شخص يصدق وش سوت ..
بعدها رجعت لها ، مع اني كنت ناوي اتركها خلاص وصارت تخاف حتىا على الاتصال لا يدخل أي شخص منه ويصير مثل ما صار في المره الي فاتت ..
وكانت فيه بنت في الشات صديقه لـ " شوق " وكل ما نتهاوش كانت " شوق " تروح لها وتقول لها وش صار بينا وكانت البنت هاذي تجي تحاول تراضينا علي بعض وكانت تتعب عشانا ما تبي نخسر بعض وكانت اكبر من " شوق " لان " شوق " عمرها 21 من عمري .. واسمها الحقيقي مو " شوق " بس مجرد هذا نك نيم .. اسمها " ريم " < لبىَ الاسم > واستمريناً علي الحال كل ما نتهاوش تجي البنت هاذي تراضينا وتحاول تقربنا من بعض ولا تبينا نخسر بعض .. وصارت " شوق " تهتم فيني اكثر من اول. . .
لان كانت البنت صديقتها تحرصها علي وتقول مستحيل تلاقين شخص يحبك كثر الحب هذا وحاولي تهتمي اكثر من كذا عشان ما تخسرينه
وصارت البنت تهتم وانا اشوف اهتمامها ويشجعني اني اهتم فيها مثل ما تهتم فيني ..
وكانت " شوق " ما تقول لـ صديقاتها عن علاقتي فيها لان علاقتها الاولى تعلم أي شي يصير بينهم وفكرة ان هذا الي خسرها في حبها الاول او تجربتها الاولى .. ولا كانت تقول الا لـ " صديقتها الي بشات " الي حكيت لكم عنها .. وكل ما عرفت بنت من صديقاتها عن الحب هذا .. كانت تقول لها لا تركبنا بعض ما تبي أي شخص يعرف وش بينا ابد ، كانت تقول اخوان اصدقاء شأت أي شي بس ما تبي احد يدري وش الي بينا عشان ما نخسر بعض مثل ما خسرت الي قبلي ولا مثل ما خسرت تجربتها الاولى .. وهذي الدنيا [ المسلم لا يلدغ مرتان ] يعني أخطائك لا ترجع لها ثاني مره وهذا المعروف وهي مشت علي الفطره والي يمشي عليه الناس وسوته .. ولا كانت تقول لـ أي شخص بعدها في سنه قالت لـ اختها الكبيره الي اكبر منها علي طول الي اقرب مالها في حياتها وصارحتها عن كل شي ..
وقالت اختها لا ترتبطي في شخص من النت ولا شخص متعرفه عليه ، عن طريق نت ولا جوال ولا شأت ، وكانت " شوق " تحاول توصفني عندها اني غير عن بعض الشباب . ولا (انتقد الشباب ) بس قصدها غير الي قبلي لان اختها تعرف الي قبلي .. ولا ركبت راس اختها الفكره وكانت تقول لا خليه لا تتعلقين فيه و " شوق " مو راضيه حاولت تقنعها في أي طريقه ولا قدرة عليها ..
وتركتها في حالها ولا " قالت لي شوق عن سالفته اختها " الا بعد فتره .. وانصدمت من كلام اختها تجاهي .. حسستني اني ناقص شي مع اني ما انقص شي والله الحمد .. بس قصدها في كل كلامها التعارف عن طريق النت ..
مع الايام صار أي شخص يجي لها خطيب ولا احد يحاول يفتح مع امها الموضوع وهي تحاول تقفله مع امها وكانت تقولي وكنت من اسمع الخبر ما ارتاح اجلس من الاسبوع لـ الاسبوعين تفكير واحاول اشيل الفكره من راس " شوق " ومع الايام استمرينا ، حتىا لدرجه ما اطلع من البيت حتىا هي تطلع وهي ما تطلع حتىا انا اطلع ، واذا طلعنا عاد شف المصايب الي تجي
اول شي تتضايق من قوة الضيقه الي فيك يصير تنفسك سريع ولا سمعت صوتها يرجع طبيعي .. وهي نفس الحال .. وصرنا نخفف الطلعات لان مالها أي فايده في حياتنا .. وصرنا دائم مع بعض وانا كان كل تفكيري " ابي اقنع اختها الكبيره اني صادق " لان أي شخص يبي يوصل لـ هدف لازم يتعداء كل اعاقاته .. وهذا شي معروف في الحياة مافيه شي يجي بالسهوله ولا ( يحصل شخص شي الا يستاهله )
ومع الايام شديت حيلي ومضت الايام ، والله الحمد فتحت معها الموضوع حق الخطوبه ووافقت وكلمة اختها وقالت انا مالي دخل في حياتك .. وتقدمت لها .. ووافقو اهلها والله الحمد .. وفرحة فرحة مره كبيره ، ما عمري تصورت اني بعيش مع بنت احبها لدرجه الحب هذا ، وهي فرحة والله يكملنا ويصبرنا عن بعض الفتره هاذي حتىا الزواج لان الزواج يمكن او احتمال يطول لحدود سنتين بس خطوبه عشان ما اخسرها ولا تخسرني ..
وانا كل هذا من حبي لها وعشقي لها المجنون ..
والله يوفقنا يارب
( والي يقول مافيه حب في الزمن هذا صراحه ما عنده أي خلفيه عن الحب )
.. وعلي قولتهم [ الحب دنيا والدنيا حب ]
والحب ماله لا زمان ولا مكان
الي قبلنا حبو ونجحو .. بس صدق فيه ناس كثيره في الوقت هذا تكذب في مشاعر الحب والاحساس .. بس لو يكون الحب صادق من كل اعماق حشى احساسك صدقني تبي تشوف السعادة والحياة المرحه .. تحس انك مشارك شخص في جسدك او قطعه منك تخاف عليه ويخاف عليك مو بس كلام ولا بس احساس بالحب الحقيقي كل شي صدق والي يحب فيه اشياء كثيره تبين حبه الصادق
1- أول شي الإعجاب أو الرحمة
2- الإحساس بالراحة
3- تحس الإنسان هذا يسعدك كل ما شفته ولا كل ما سمعة صوته
4- تحس في قربه انك تملك الكون كله
5- تحس لاغتاب عنك كأنك فاقد الدنيا كلها
6- واذا كان الشخص يزرع فيك السعادة هذا يحبك
7- وإذا حسيته يهتم في مصلحتك هذا يحبك
وكل شخص يبحث عن هدف وتعب عليه راح يحصله باذن الله
بس ياليت نكون صادقين في إحساسنا لان أغلا شي في الإنسان المشاعر والإحساس يمكن فيه ناس ما تدري عنها بس لا جربت الشى هذا تعرف بغلات إحساسك وإذا عرفت الإحساس والحب تعرف كل الحياة
.................................................. .
ولا أبي أطول عليكم بس باليت القصة تنال إعجابكم وأدعو لنا بالتوفيق
الرئيسية 
