يا هاجسي شل القوافي للعرب في تاربه

يا هاجسي شل القوافي للعرب في تاربه
واسأل عن احوال البلد وش لي حصل بين الصحاب

أحدٍ يسووله كمين وأحدٍ يحلقوا شاربه
ويا كم في جولة تريم نلقئ مقاطيع الرقاب

وأحدٍ اذا طاول على القانون حلقوا حاجبه
والغاز من بايحلها والمسألة تبغئ جواب

من لي يسوؤن الفعال في الشارقة والغاربه
الصقر يفهمها معي واللي مشكك هو غراب

لاحد يقول يمكن عمر ولاحد يقول ن شاك به
ابغئ رجال إتحلها وتشل من الوجه الحجاب

قال المعنئ بن حميد وين الركاب الهاربه
لي هي غزت أرض المخاشن واليوم بأرضك يا وصاب

ماضنتي تلقي عمل والخاربه لا خاربه
وإن ما ظهر شي ذي السنه معاد شي بعده صرا