عادت المديرة الفاضلة بعد غياب دام مدة اسبوع او يزيد
استقبلها المعلمات بكل ود وترحيب حامدين الله على سلامتها
لانها كانت مثال للأخلاق وحسن التعامل مع الكل دون استثناء
المعلمات : الحمدلله على السلامه استاذه عسى ماشر وشفيك
غايبه كل ذا المدة ....
المديرة : الشر مايجيكم ابد تزوجت
المعلمات : ماشاء لله مين سعيد الحظ الي تزوجتيه
والف مبارك منك العيال ومنه المال ..
المعلمات : وليه مابشرتينا الله يهديك علشان ندعي لك
المديرة : ابدا تزوجت واحد من ازواجكم
المعلمات : منصدمين زوج مين تزوجتي وكل وحده ايدها على قلبها .
المديرة : مو لازم تعرفون .
المعلمات : الا تكفين علمينا زوج مين الي تزوجتيه
علشان مانشكك برجالنا .
المديرة : ملزمين تعرفون . ؟
المعلمات : كلهم بصوت واحد ايه ملزمين .
المديرة : طيب بشرط .
المعلمات: وشو الشرط.؟
المديرة : بكرا كل وحدة منكم تجيب معها خمسمية ريال
واذا جت توقع حضور تحط الخمسمية على دفتر الحضور
الي اخذ فلوساها معناه اني ماتزوجت زوجها
والي ماأخذ فلوسها هذي هي الي تزوجت زوجها
حرام اخذ زوجها وفلوسها .
المعلمات : طيب بكرا بنجي ونجيب الخمسمية . والله يستر
وفي الصباح الباكر المعلمات جايين وكل وحدة معها
الخمسمية وقعت اول معلمة حطت الفلوس اخذتها المديرة
المعلمة تنفست الصعداء انه مهوب زوجها صار لأن المديرة اخذت
الخمسمية .
وبدا توقيع المعلمات وكل وحده تبي توقع تحط الخمسمية ويبدأ
قلبها يدق لين تاخذها المديرة .
والمديرة تاخذ الفلوس لين وصلت للمعلمة الحادي عشر
حطت الخمسمية على الدفتر ووقعت المديرة ما أخذتها
المعلمة : خذيها ليه شويه احط الف .
المديرة : اعذريني
المعلمة ساكته . بدت تحس بحزن شديد
المديرة : رفعت راسها بشويش ناظرتها وقالت :
جوااااااااااااااااااهر وسحبت الخمسمية .
استانست المعلمة وفرحت لأن المديرة اخذت الخمسمية
جت الي بعدها والي بعدها والمديرة تلعب بأعصابهم لين وصلت
المعلمة 23 جمعت المديرة حوالي 11500 ريال لكن كان
هناك معلمة غايبة اتصلت عليهم قالت معليش ماقدرت اجي
لكن علموني من زوجه الي تزوجت المديرة؟؟؟؟؟؟؟؟؟
المعلمات : الى الان ماندري قالت ماراح اخذ فلوسكم الين تكونون
حاضرين كلكم وهم خايفين يعلمونها الحقيقة
المعلمة الغايبة : بدت تحس بخوف
المديرة : ها خلصو المعلمات
المعلمات : لا باقي فلانة غايبة
جت المعلمة الغايبة في اليوم التالي وجابت معها خمسمية
وحطتها على دفتر التحضير ووقعت .
المديرة : اخذت الفلوس وسكتت .
المعلمات مستغربين من المديرة الي اخذت كل الفلوس لكن
يسألون انفسهم من زوجه الي تزوجت المديرة؟
المديرة : طلبت من جميع المعلمات الحضور لاجتماع طارئ
المعلمات: بدت قلوبهم تدق لانهم قالو أكيد بتعلمنا من هو ؟!
المديرة : للمعلمات طبعا انا جمعت منكم 12000 ريال
والحقيقة انا ماتزوجت كنت في دورة تدريبية خاصة
لكن يابنات لي سنة وأنا اطلب منكم تتبرعون للمصلى ولا وحدة
منكم عطتني ريال الحين الفلوس الي جمعناها .
ماراح ارجعها لكم بنصلح فيها المصلى ونرتب مدرستنا
ونشتري كتيبات للمصلى وهدايا لطالبات المتميزات .
المعلمات : بصوت واحد ياجعلهن فدوتن لك تبين نزيدها زدناها
اهم شي ماتزوجتي واحد من ازواجنا.
ههههههههههه ذكية المديرة لعبتها صح
اتمنى تكون القصة اعجبتكم
*** دمتم بخيــر *** ماذا فعلت المديرة بالمعلمات ؟
الرئيسية 
