بقلوبنا نبض امتلى حب واحسآس
محنآ فقارى عاطفه .. يامواعيد
نبغى نحب ! ومشكلتنآ مع النآس
والثانيه : [ عادتنا والتقاليد ]
في مجتمعنا الحب محفوف بالياس
وجهة نظرهم عيب والعيب تعقيد
ياذابحين الحب : ماهو بنوماس
وقلوبنا للحب : صآرت شواهيد
خلو السهر بعيون ما صابه نعاس
يرسم على وجه الليالي / تجاعيد !
ياجرح / تدريَ اني انسان حساس !
واذا انجرحت اجيب في نفسي العيد
من عقب ماهو مشآركنيَ بالانفآس
الله وكيلك : فرقونا .. المقآريد
ماكننا اخر بقاياه ؛ [ كراس ] !
مكتوب فيه الحب صاير عنا/ قيد
كم لي اردد [يامواعيد ] لا بأس !
وكم لي [اغني] يامواعيد واعيد
حسبي عليهم احطبوا حبنا : بفاس !
وقصوا غصون اشواقنا والعناقيد ..
الى متى واشواقنا [بين الاقواس]
لوعه / ودمعه / واحتضار وتناهيد
نبغى نعيش ومشكلتنا مع الناس
[والثانيه عادات ويـ التقاليد .. ]
الرئيسية 
